Aqutsisoq Qallunaatut - Nuuk (201918)

Aqutsisoq Qallunaatut - Nuuk (201918)

AMA

Aap

Nalunaarfissaq kingulleq

25. januar 2019

Akiliut

24.950 kr.


Angalaneq ineqarnerlu akimut ilaanngillat

Aqutsisoq suua – Tunngaviusumik Aqutsinermik Ilinniarneq?

Tunngaviusumik aqutsisunngorniarluni ilinniarneq tassaavoq aqutsisunngornissamut ineriartorneq ukiup affaata missaanik sivisussusilik.

Immikkoortut (Moduulit) sisamat nalinginnaasumillu angerlarluni suliassat paarlakaallugit ingerlanneqassapput, atuagarsorneq ulluinnarnilu sulineq imminnut ataqatigiissunngorlugit.

Pikkorissarneq Kangerlussuarmi ingerlanneqassaaq.

 

Peqataasinnaapput Ilinniarnerup siunertaa Imarisai Ilinniartitsinermi oqaatsit atorneqartut Ilinniarnermi ilitsersuunneqarneq Sivisussusaa ullualu Ilinniartitsisussaq Nalunaarnissaq
Peqataasinnaapput

Peqataasinnaapput

Aqutsisunut aqutsisunngorniartunullu tunngaviusumik aqutsinermi piginnaasassanik ilisimasassanillu pisariaqartitsisunut Aqutsisoq naatsorsuussaavoq.

Assersuutigalugu immikkoortortaqarfimmi, suleriaatsinut aqutsisussatut imaluunniit eqimattanut suliffimmi tunisassiorfiusumi, pisortat suliffeqarfianni imaluunniit niuertarfimmi aqutsisussatut toqqagaaqqammeruit Tunngaviusumik Aqutsinermik Ilinniarneq ilinnut neqeroorutaavoq pitsak!

Ilinniakkamut tassunga peqataassagaanni annertuumik ilinniagaqarsimanissaq piumasaqaataanngilaq.

 

Ilinniarnerup siunertaa

Ilinniarnerup siunertaa

Tunngaviusumik Aqutsisutut Ilinniartitsinermi aqutsinerup pitsaasup ilinniartitissutiginissaa aammalu aqutsisuulluarnissap sungiusarnissaa pingaarnertut anguniarneqarput.

  • Aqutsisutut sulineq ilisimanerulerlugu
  • Aqutsineq pitsaasoq suua aamma qanoq pitsaasumik aqutsisunngussaanga?
  • Aqutsisutut ”pissuseq pitsaasoq” aamma naapittakkani assigiinngitsuni aqutsinermi periutsit pitsaasut suuppat?
  • Attaveqaqatigiinnermi aamma aaqqiagiinnginnermi periusissat qanoq ittut atussavakka
  • Nammineq inuttut pilersaarusiorneq – nammineq piffissaq aqulerlugu
  • Tunngaviusumik aqutsinermi sakkussat ilinniarlugit

Ilinniarneq aamma attaveqarfissanik pilersitsinermik periarfissiivoq.

 

Imarisai

Imarisai

Immikkoortut (Moduulit)
Immikkoortoq 1: Aqutsineq inuttullu ineriartorneq

  • Piginnaasanik qulaajaaneq
  • Siunissami aqutsinermi atugassarititaasut – tullersortaalluni aqutsisup susassaqarfii
  • Inuttut ilisimasatigullu ineriartorneq
  • Aqutsisuulluarneq suua?
  • Aqutsisutut pissuseq aamma aqutsinermi periutsit
  • Suliassanik agguaassineq
  • Inuttut pilersaarusiorneq aamma nammineq piffissarisamik pingaarnersiuineq.


Immikkoortoq 2: Attaveqatigiinneq aqutsinerlu

  • Sulinermi attaveqaqatigeeriaatsit aamma suleqatigiinnermi sakkussat
  • Suleqatiginnermi attaveqaqatigiinnermilu nammineq inuttut pissuserisap pingaaruteqarnera
  • Suleqatigiinnermi aaqqiagiinnginnernilu attaveqaqatigiinnermi oqaatsit iliuutsillu sulisunut sunniutai.
  • Attaveqaqatigiinnerup ingerlanerata nalilernera aamma qanoq ililluni attaveqaqatigiinnerup
  • pitsaanngitsup illuatungaanut saatinnissaa.
  • Suleqatigiinnermi annerpaamik angusaqassagaanni sakkussatut atorsinnaasat.

Immikkoortoq 3: Aqutsineq suleqatinillu ineriartortitsineq

  • Aqutsisup sulisullu kiisalu sulisut akornanni suleqatigiinneq imminut ataqatigiissoq
  • Sulisut kajumissusaat attatiinnarlugu aqutsinermi aammalu suleqatigiinnermi ajornartorsiutinik
  • qaangiinissamut periusissat.
  • Sulisut kajumilersinnissaannut ileqquinullu sunniisinnaaneq
  • Kajumilersitsinissamut sakkussat
  • Sulisut annerpaamik ilorrisimaartilerlugit kajumissuseqalersillugillu aqutsinermi aammalu suleqatigiinnermi ajornartorsiutinik qaangiinermik periusissat
  • Tarnikkut aammalu ulluinnarni inuunikkut atukkat sulisunut ataasiakkaanut qanoq sunniuteqartarnerat sammillugu
  • Sulisut sulinerminni atugarisaat aammalu inuup suliffimmini avatangiisai
  • Suleqatigiinneq aamma aaqqiagiinnginnermik qaangiineq.
  • Suliffeqarfimmi suleqatigiit sulisullu aaqqiagiinnginnerit.

Immikkoortoq 4: Allannguiniarluni aqutsineq

  • Immikkoortumi uani siuliani immikkoortuni sisamaasuni ilinniakkat eqikkarneqassapput ilikkakkat aalajangiunnissaat aammalu ataatsimoortumik qimerloornissaat siunertaralugu.
  • Naggataarutaasumik allaaserisap/projektip saqqummiunnera
  • Siunertaasup ingerlatallu anguniakkap anguneqarnera
  • Nammineq inuttut siunissap pilersaarusiornera aammalu siunissap assiliartalernera
  • Naliliineq
Ilinniartitsinermi oqaatsit atorneqartut

Ilinniartitsinermi oqaatsit atorneqartut

Qallunaatut

Ilinniarnermi ilitsersuunneqarneq

Ilinniarnermi ilitsersuunneqarneq

Ilinniarnerit ingerlannerini katersuunnerit akornanni ilinniartut suliassamik qanoq ingerlanneqarnissaannik ilitsersuunneqartarput. Taanna pisarpoq ataatsimiinnerit, oqarasuuatikkut attaveqatigiinnerit imaluunniit allatut elektroniskimik attaveqaqatigiinnerit aqqutigalugit, ilinniartut ataasiakkaat periarfissaat pisariaqartitaallu apeqqutaatillugit.

Init atortullu Pisortat Ilisimatusarfianniittut atuarnermut atatillugu peqataasunit atorneqarsinnaapput.

Sivisussusaa ullualu

Ulloq

Immikkoortortaq siulleq: 26. februar 2019 - 1. marts 2019

Immikkoortortaq aappaat: 23. april 2019 - 26. april 2019

Immikkoortortaq pingajuat: 13. maj 2019 - 16. maj 2019

Immikkoortortaq sisamaat: 11. juni 2019 - 13. juni 2019  

Sivisussusia

Immikkoortortat pingasut, immikkoortut 32-it aamma immikkoortortaq ataaseq immikkoortut 24-it = katillugit immikkoortut 120-it.

Ilinniartitsisussaq

Ilinniartitsisussaq

Martha Labansen

Nalunaarnissaq

Nalunaarnissaq

Peqataanissannut nalunaarusukkuit mailissaatit uunga kursus@ninuuk.gl nalunaarlutit peqataarusullutit:

Ateq:
Mail:
Oqarasuaat.
Suliffiit:
Ilinniakkat:
Akiligassiissummut nassitsivissap najugaa: (Inussiarnersumik nalunaarutigiuk GLN nr. Namminersorlutik Oqartussat ataanni suliffeqaruit).

Malugiuk: Pikkorissarneq una AMA-miit aningaasalerneqarnikuuvoq. Tassa imaappoq angalanermut najugaqarnermullu aningaasartuutit AMA-mit aningaasalerneqartarput.

AMA-mit nalunaarut malillugu "Pikkorissartut 18-ileereersimassapput inuutissarsiornermut tunngasumik sivikinnerusumik ingerlaqqiffiusumik ilinniagaqarsimasuussallutik”

Denne webside bruger cookies til at forbedre websitet. Ved at benytte hjemmesiden accepterer du vores brug af cookies.

LUK